Një rast i rëndë pedofilie ka ndodhur në një fshat në Qarkun e Vlorës. Një 11-vjeçare është ngacmuar nga mësuesi i saj dy muaj më parë.
Nxënësja e klasës së pestë në një shkollë në Qarkun e Vlorës, ka rrëfyer se mësuesi i bënte shenja, ndërsa një ditë kur po pastronte e ka puthur, por vajza kishte ikur me vrap. Fillimisht ngjarja është rrëfyer nga nëna e vajzës së mitur, pas një hezitimi të gjatë për shkak të paragjykimeve.
***
Është pezulluar përkohësisht nga detyra e mësuesit në një shkollë në Devlinë, Neshat Tepelena, pasi është denoncuar nga prindërit e një vajze të mitur, për ngacmim seksual ndaj saj.
Pas qarkullimit të këtij lajmi në media, vjen edhe reagimi i parë, ku thuhet se ky mësues është pezulluar deri në zbardhjen e plotë të ngjarjes.
Përgjegjësi i shkollës në Pëllumb Qerimi është shprehur se do të vihet në lëvizje komisioni i disiplinës, ndërsa pritet të bëhet edhe përballja mes prindërve të të miturës dhe mësuesit që akuzohet për pedofili.
