Zona e Çermenikës në Librazhd nga sot e tutje do të ketë shoqatën e saj kulturore. Në ambientet e Muzeut Kombëtar me pjesëmarrjen e dhjetëra qytetarëve me banim në zonën e Çermenikës, por edhe të qyteteve të tjera të vendit u themelua Shoqata Kulturore Çermenika 2017. Pas votimit të fshehtë, kryetar i saj u zgjodh Behar Almeta.
Almeta, një biznesmen i suksesshëm premtoi pas zgjedhjes së tij se do të punojë me përkushtim për promovimin e zonës së Çermenikës, si nga traditat kulturore e patriotike e deri tek thithja e investimeve për zonën.