Megjithë dosjet e nxehta që i presin, me arsenalin bërthamor të Iranit në krye, Presidenti francez Emanuel Macron dhe ai Donald Trump nuk po i fshehin shenjat e një takimi të ngrohtë me njëri tjetrin.
Trump doli vetëm për ta pritur në shkallët e Shtëpisë së bardhë homologun e tij francez, por ky i fundit i tejkaloi të gjitha parashikimet duke treguar shenja afeksioni që mikpritësi i tij nuk i priste.
Ai i ka dhuruar një puthje të vërtetë franceze në njërën nga faqet.
Dhe ashtu sikurse duket në video, Trump nuk e kishte marrë ende veten nga puthja e parë kur miku i tij francez i ka zgjatur buzët edhe në faqen tjetër.
Ky gjest përpos presidentit amerikan ka surprizuar edhe gazetaren e MSNBC që po komentonte imazhet live.
Ajo ashtu sikurse dëgjohet ka bërë fillimish një pauzë duke qeshur dhe vetëm pastaj ka komentuar këtë puthje “alla europiane” që amerikanët nuk e kanë zakon.
Ndërsa gazetari Brian Williams ka bërë shaka disa çaste më pas në të njëjtin televizion duke thënë: “Për një moment mendova se ata do të paraqisnin një listë dhuratash martese tek dyqani martesor “Crate & Barrel”.
Kësaj ngjarjeje i ka kushtuar një artikull ironik edhe New York Post i cili shkroi se Makron bëri çështë e mundur të evitonte shtrëngimin e dorës nga Trump duke e surprizuar me dy puthje”.
