Tre shqiptarë janë shpallur në kërkim nga policia greke pasi akuzohen se kanë vrarë një 19-vjeçar.
Të rinjtë janë të moshave 23, 24 dhe 33 vjeç dhe akuzohen për vrasje me paramendim si dhe kërcënim për vrasje.
Ata kanë vrarë djalin grek në sheshin “Marusi” në Athinë të Greqisë, pasi ky i fundit nuk pranoi t’u dorëzonte portofolin dhe celularin hajdutëve.
Dëshmitarët e ngjarjes treguan se vrasësit janë persona të rrezikshëm e të njohur, të cilët gjithsesi kërcënuan të tjerë të rinj grekë, por 19-vjecari u ngatërrua për të mbrojtur shokët e tij dhe mbeti i vdekur nga goditja me thikë në kraharor nga shqiptari 23-vjecar.
Djali kishte pasur në portofol vetëm 170 euro.
Tre shqiptarët emrat e të cilëve nuk bëhen të ditur dyshohet se mund të jenë larguar menjëherë drejt Shqipërisë.
