Kryeministri Edi Rama ka pritur përmes një ceremonie zyrtare në ambientet e jashtme të kryeministrisë homologun e tij belg Charls Michel.
Pas një takimi të shkurtër kokë më kokë, Rama e Michel do të mbajnë një konferencë për shtyp rreth orës 16:00 ku në fokus të diskutimit pritet të jetë perspektiva evropiane e Shqipërisë, në kushtet kur pak ditë më parë, Komisioni Evropian i hapi dritën jeshile hapjes së negociatave.
Pritet që këtë të hënë të mësohet qëndrimi i Belgjikës për rekomandimin në fjalë dhe nëse ky shtet evropian do t’i japë “ok” integrimit të Shqipërisë dhe çeljes së negociatave në muajin qershor.
