Një shqiptar është vrarë rreth mesnatës në Kretë, Greqi. Ngjarja e rëndë mësohet se ka ndodhur rreth orës 1 të mëngjesit duke u gdhirë dita e sotme. Siç shkruajnë mediat greke, autore e këtij krimi është një vajzë 26 vjeçe.
Mësohet se shqiptari 35-vjeçar, baba i dy fëmijëve kishte dalë rreth orës 01:00 të mëngjesit nga shtëpia e tij dhe kishte shkuar tek fqinja greke.
Viktima kishte shkruar t’i jepte ndihmë të resë, pasi kishte dëgjuar se ajo bërtiste. Por sapo ka hyrë në banesën e saj, ajo i është turrur me një thikë, pasi ka qenë në një krizë për shkak të përdorimit të drogës. Deri më tani mediat greke nuk bëjnë të ditur identitetin e shqiptarit, ndërsa 26-vjeçarja është arrestuar.
Menjëherë ishin njoftuar ambulanca dhe policia, por edhe pse ndërhyrja ishte e shpejtë, babai i dy fëmijëve, një djali 7 vjeç dhe i një vajze 15 muajshe ka ndërruar jetë duke u transportuar për në spital.
