‘Neymar është penduar që ka nënshkruar për PSG-në’ dhe është në dijeni për interesimin e Real Madridit, thotë gazetari brazilian.
Gazetari brazilian, Marcelo Bechler, ka treguar se Neymari ka informuar tashmë shokët te Barcelona (Luis Suarez, Gerard Pique), se i ka rënë pishman që u transferua te Paris Saint Germaini.
Ai madje thotë se pavarësisht se braziliani e mohoi të ketë probleme me trajnerin, Unai Emery, kjo gjë është e vërtetë dhe se Neymar ka shumë pak kontakt me ish trajnerin e Sevillas.
“Neymar është penduar që ka nënshkruar për PSG-në”, tha gazetari brazilian. “Është me lehtë për të që të shkojë në Madrid se të kthehet në Barcelonë. Ai nuk e konsideron këtë tradhti, por aktualisht kjo mbetet vetëm spekulim”.
“Neymari i ka thënë Piques dhe Suarezit se ‘është penduar që ka nënshkruar për PSG-në’. Në skuadër ka lojtarë më me emër si Cavani, Di Maria që janë të suprizuar me veprimet e Neymarit në muajt e parë. Marrëdhënia mes Neymar dhe Emery është shumë larg”, u shpreh Marcelo Bechler.
