E gjithë trupa policore e burgjeve dhe stafi civil që është i angazhuar në Institucionet e vuajtjes së dënimit penal do të kalojnë në sitën e Vetting-ut.
Edis Ibrahjimi, Këshilltar në Ministrin e Drejtësisë, ekspert i çështjes së burgjeve dhe shërbimit të provës gjatë një interviste për Agjencinë Telegrafike Shqiptare tha se procesi ka nisur dhe është mjaft dinamik.
Sipas tij, qëllimi është pastrimi i trupës së angazhuar në IEPV nga element të cilët kanë pasur probleme me ligjin në të shkuarën.
“Ky proces do të prekë të gjithë punonjësit e burgjeve. Aktualisht janë 4 500 persona, një pjesë punonjës të policisë së burgjeve dhe një pjesë tjetër stafi civil që është i angazhuar në këtë shërbim. Të gjithë do të kalojnë në sitën e Vetting-ut”, tha Ibrahimi.
4500 punonjës të burgjeve në sitën e Vettingut, 200 të prekur deri tani
4500 punonjës të burgjeve në sitën e Vettingut, 200 të prekur deri tanihttps://ata.gov.al/2018/04/21/4500-punonjes-te-burgjeve-ne-siten-e-vettingut-200-te-prekur-deri-tani/Edis Ibrahjimi, Këshilltar në Ministrin e Drejtësisë, ekspert i çështjes së burgjeve dhe shërbimit të provës gjatë një interviste për Agjencinë Telegrafike Shqiptare tha se procesi ka nisur dhe është mjaft dinamik. Sipas tij, qëllimi është pastrimi i trupës së angazhuar në IEPV nga element të cilët kanë pasur probleme me ligjin në të shkuarën.
Gepostet von Agjencia Telegrafike Shqiptare am Samstag, 21. April 2018
Sipas tij, në fazën e parë të verifikimeve u prekën gati 200 persona.
“Verifikimi është bazuar në ligjin për policinë e burgjeve, dhe bazohet tek pastërtia penale e punonjësve të policisë së burgjeve. Në këtë kontekst, kanë rezultuar 130 punonjës të këtij shërbimi me precedent penal, apo rekorde kriminale. Pra, që në të shkuarën, në kurriz të tyre kishte një vendim gjykate për një shkelje ligjore të caktuara. Këta persona janë duke u larguar nga ky sistem. Shtylla e dytë e verifikimit, sqaroi Ibrahimi, është ajo që lidhet me arsimin e punonjësve të burgjeve. Në këtë kontekst duhet pranuar se janë 70 persona të cilët kanë rezultuar të punësuar në IEPV duke mos plotësuar kushtin e arsimit”, tha ai.
Pra, 70 persona kanë rezultuar me një arsim që nuk përputhej me vendin e punës.
“Me këtë grupim po punohet që këta punonjës të transferohen tek vendi i punës që i takon sipas arsimit, ose edhe një pjesë e këtij grupi mund të largohet nga sistemi. Proçesi i Vetting-ut në burgje po ecën me ritëm shumë të shpejtë, por nuk ka një datë përfundimtare, pasi në sitë duhet të kalojnë 4 500 punonjësit e burgjeve”, tha Ibrahimi gjatë intervistës për Agjencinë Telegrafike Shqiptare. /a.g/
