Gjatë 2017 Prokuroria e Krimeve të Rënda është përballur me disa vështirësi në punën e saj. Një nga problematikat sipas kreut të kësaj prokurorie, Besim Hajdarmataj, Reforma në Drejtësi ka ndikuar në punën e dobët të prokuroreve dhe zvarritjen e hetimeve.
“Megjithëse e pajustifikuar tek secili prokuror dhe oficer i policisë gjyqësore, mund të them se janë evidentuar luhatje të angazhimit dhe vullnetit në punë si rezultat e ndryshime kushtetuese dhe ligjeve paketë e Reformës në Drejtësi, ku parashikohet dhe ndryshimi i funksionimit të Prokurorisë për Krime të Rënda.”
Përparësi për Krimet e Rënda kanë hetimet e nisura gjatë 2016 për kultivimin e kanabisit për të cilat sqarohet se ka pasur të përfshirë oficerë të lartë policie.
“Edhe në këto çështje, hetimi paraqiti vështirësi për faktin se mundësia e hetimeve të plota ishte e kufizuar, pasi përfshirja e policive vendore ishte deri në nivele drejtuese edhe kryerja e veprimeve në terren ishte gati e pamundur.”
Një tjetër problem për hetimin janë edhe përgjimet e dobëta. Sipas raportit përgjimi i telefonave celular jo në të gjithë rastet ka dhënë rezultate. Kjo për shkak se teknikat aktuale nuk i përgjigjen zhvillimit teknologjik dhe mjeteve që përdorin kriminelet.
Tv Klan
