Pasi Prokuroria mësohet se ka nisur hetimet për shpërdorim detyre në Universitetin e Tiranës, ka ardhur dhe një reagim nga ish rektori Dhori Kule.
Përmes një reagimi, Kule theksoi se ishte i hapur për hetim. Ai tha se kontrolli zyrtar ka konfirmuar shkelje të rënda. Po ashtu Kule tha se nuk ka konflikte me askënd.
“Kontrolli zyrtar ka konfirmuar shkelje të rënda. Jam i hapur për hetim. Nuk kam bërë kallëzim penal ndaj Konit. Zhurma nuk duhet të sfumojë realitetin e Universitetit të Tiranës. Janë firmosur kontrata financiare në spital. Ne si dekanë i kemi bërë të ditur shkeljet që në tetor.
Duhet të merremi me ngërçin e Universitetit. Nuk kam konflikt me askënd. Rruga e vetme e zgjidhjes së situatës është largimi i Rektorit. Prokuroria e Krimeve të Rënda nuk me ka njohur me akuzat, lajmin e mësova nga mediat”, tha Kule. Ndërkohë, edhe rektori i UT-së Mynyr Koni deklaroi dje se ishte i hapur për hetime, pasi prokuroria ka nisur edhe ndaj tij një hetim për këto dy akuza.
