Ish ministri i drejtësisë Ylli Manjani ka reaguar lidhur me lajmin që po qarkullon në media se këtë ditë pritetet të arrestohet ish-Kryeprokurori Adriatik Llalla.
Me anë të një statusi në Facebook Manjani shprehet me ironi se nëse me arrestimin e Llallës hapen negociatatat atëherë për anëtarësimin në BE duhet arrestimi i kryeministrit Rama.
Ndërsa më tej ai fajëson ambasadorin e SHBA, Donald Lu, pasi sipas Manjanit ai ka bërë eksperimente në Shqipëri jashtë çdo rregulli diplomatik.
Statusi i Ylli Manjanit:
Nëse me arrestimin e Tikut (siç flitet) kapim hapjen e negociatave, atëhere kur të me arrestohet Rama llogjikisht bëhemi anëtarë të BE! Formulë interesante!
Natyrisht arrestimet do jenë politike, se ligji e drejtësia nuk ekzistojnë më! Të jetë kaq budallaqe BE që ta hajë kaq trashë?!
Nejse, të paktën sistemohen me ndonjë punë tjetër pas Shqipërisë Lu dhe Lei, që në fakt janë për t’u ndëshkuar për sa eksperimente kanë bërë në këtë vend, jashtë çdo norme e rregulli diplomatik!
Shqiptarët burgun e kanë si ushtrinë tashmë. Për ta bërë e kanë! Lum ato që e hoqën! Rilindje për të gjithë! (TemA)
