Një plagosje është shënuar mbrëmjen e sotme në qytetin e Fierit.
Mësohet se ngjarja ka ndodhur pranë shtëpisë së ish-oficerëve në qendër të qytetit.
Po ashtu mësohet se të shtënat janë dëgjuar pranë një pike bastesh, ndërsa i plagosur është dërguar menjëherë në spital.
Ka qenë një grindje që ka ndodhur fillimisht jashtë lokalit dhe më pas ka ndodhur shkrehja e një arme pistoletë.
Pas plagosjes së ndodhur në Fier ka reaguar dhe policia e cila në njoftim sqaron situatën
Sipas policisë paraprakisht dyshohet se shtetasi i plagosur dhe autori janë konfliktuar në një pikë basti.
Njoftimi i plotë
Në datën 14.04.2018, rreth orës 21:25 në afërsi të Prefekturës është plagosur me armë zjarri shtetasi A.J, 32 vjeç, banues në Fier,i cili ndodhet në Spitalin Rajonal Fier nën kujdesin e mjekëve.
Paraprakisht dyshohet se shtetasi i plagosur dhe autori janë konfliktuar në një pikë basti.
Policia ka shoqëruar disa persona për tu marrë në pyetje në lidhje me ngjarjen.
Grupi hetimor po punon intensivisht për zbardhjen e rrethanave të ngjarjes, identifikimin dhe kapjen e autorit.
