Një ngjarje e rëndë është regjistruar në Klos, ku një 40-vjeçar ka rënë në humnerë. Incidenti ka ndodhur në fshatin Darsë. Mësohet se bëhet fjalë për shtetasin Dali Dedja.
40-vjeçari ishte duke vendosur disa tuba të ujit të pishjëm, dhe i ka shkarë këmbë, duke rënë aksidentalisht rreth 50 metra në humnerë. Sapo u njoftuan për ngjarjen, të shumtë kanë qenë banorët e fshatit që kanë shkuar për ndihmë, ndërsa i plagosuri ndodhet ende në humnerë, për shkak të terrenit të vështirë.
Nevojitet një helikopter për transportimin e tij drejt Tiranës, pasi thuhet se është në gjendje të rëndë. Në vendin e ngjarjes ndodhet një ambulancë si dhe forca policie.
