Ambasadorja e BE në vendin tonë, Romana Vlahutin foli në Konferencën për mediat në ditën e dytë të punimeve. Ajo flet për situatën e mediave në Shqipëri. Vlahutin u shpreh se duhet vetërregullim për mediat.
Vlahutin e ka cilësuar të padrejtë që “Gazetarë më 300 euro në muaj edhe pushohen nga një telefonatë”.
“Ne e shohim veten si partnerë. Duhet të punojmë me njeri-tjetrin dhe ti ndihmojmë mediat. Nëse ka çështje publike ka të paktën 40 kamera, dhe nëse ka çështje sociale, ka dy kamera e dy gazetarë. Kjo tregon praktika editoriale. Ka me qindra portale e gazeta dhe televizione.
Dhe është shumë e vështirë për ne të navigojmë për të vërteten në media. Ka dy shtylla. Rregullat dhe vlerat. Duhet vetërregullim i mediave. Është shumë e vështirë të jesh gazetar me 300 euro në muaj dhe që mund të pushohesh me një mesazh. Por duhet të kemi parasysh që jo çdo njeri që flet është një gazetar dhe jo çdo hapësirë është një media. Duhet të ndahet kjo gjë. Duhet patjetër një mbështetje financiare. Janë tregje shumë të vogla që nuk mund të vetërregullihen, dhe është e rëndësishme që ne si BE duhet të investojmë. Kjo do të nxiste konkurrencë e ndershme dhe do të edukonte brezat e ardhshëm”, tha Vlahutin./AlpeNews.al/
