Vrasja e dyfishtë për të cilën ishte dënuar me burg përjetë babai i tij Avni Majollari do të bëhej shkak edhe për vrasjen e tij.
Mario Majollari e ndiente rrezikun dhe ndaj 3 vjet më parë 28-vjeçari që u ekzekutua sot në mbrëmje në Tiranë, kishte kërkuar azil në Suedi.
Sipas fqinjëve të viktimës, Mario ndihej i rrezikuar nga një hakmarrje e mundshme, pasi babai i tij kishte vrarë dy persona në vitin 2000.
Duke qenë se Shqipëria është një vend i sigurt, 28-vjeçarit i ishte mohuar kërkesa për azil dhe u kthye në Tiranë.
Nuk dihet nëse ai ruhej nga një hakmarrje e mundshme apo kishte pasur paralajmërime më parë.
Por sonte, ndërsa lëvizte i vetëm pranë banesës së tij, rreth orës 20:25 ai u qëllua nga persona ende të paidentifikuar nga një makinë në zonën e Kinostudios.
