Yulia Skripal, vajza e ish-spiunit rus Sergei, e cila u helmua me agjent nervor në mes të rrugës në Salisbury të Anglisë, është nxjerrë sot nga spitali, raporton BBC.
33-vjeçarja është nxjerrë nga spitali i Salisbury ditën e sotme dhe është dërguar në një vend të sigurtë. Ndërkohë babai i saj 66-vjeçar mbetet në spital në përmirësim të vazhdueshëm.Ish-spiuni dhe vajza e tij u dërguan në spital me 4 mars pas helmit toksik. Që prej atëherë janë shtuar tensionet mes Rusisë dhe vendeve të Perëndimit.
Qeveria britanike thotë se Rusia fshihet pas helmimit ndërsa Moska nga ana e saj ka mohuar çdo përfshirje dhe akuzon britanikët se kanë shpikur një “histori të rreme”.
SHBA, vendet e BE apo edhe Shqipëria me këtë rast kanë dëbuar diplomatët rusë nga vendet e tyre.
