Kryeministri Edi Rama ka reaguar ndaj televizionit Top Channel lidhur me një lajm të publikuar gjatë ditës së sotme për lirinë.
Në lajmin e Top Channel, thuhet se komisionari Hahn vuri theksin tek besueshmëria e mediave ndërkohë që duke iu referuar Ramës, Top-i shprehet se kreu i qeverisë nuk iu referua mediave si “kazan mediatik” e as me epitete si “idiotë, të paaftë, injorantë” si dhe nuk u transmetua nga kanali i Ramës ERTV si zakonisht.
Lidhur me këtë lajm, Rama ka “sulmuar” televizionin, duke thënë se është vet Top Channel që ka gënjyer publikun, pasi sipas tij, ERTV e ka dhënë live konferencën në faqen e kryeministrit në Facebook.
“HAHNI DHE KAZANI
Ky është titulli i lajmit të Top Channel që mund ta shihni bashkëlidhur.
Në lajm, siç do ta lexoni, thuhet se kryeministri e cilësoi median si të pabesueshme.
Po, e vërtetë, kështu mendoj! Por si për ta vërtetuar me dëshminë e vet se sa të pabesueshme janë mediat, Top Channel, siç e shihni, e informon publikun se konferenca për lirinë e medias dhe konferenca për shtyp me Komisionerin nuk u transmetuan në ERTV!
Ju të gjithë tani mund ta shikoni vetë provën e kësaj gënjeshtre me bisht, nëse zbrisni në postimin e dytë të ditës dhe klikoni videon e dhënë live nga ERTV.
Tani pyetja që vjen vetiu është: Nëse një televizion kombëtar që ka bërë histori falë gjenialitetit të të ndjerit Dritan Hoxha, është katandisur sot të gënjejë kaq hapur, edhe për një fakt kaq të thjeshtë, si mund të quhet e besueshme media në Shqipëri?” shkruan Rama.
