Shpërthen bombola e një byrektoreje në Tiranë, plagoset një person. Ngjarje e rëndë është regjistruar mëngjesin e sotëm pranë ambasadës rusë në Tiranë, në hyrje të ish-Bllokut.
Shpërthimi ishte aq i fuqishëm sa shkaktoi panik tek kalimtarët në rrugë, të cilët ndihmuan punonjësin e byrektores që t’i shuanin flakët që e kishin përfshirë në të gjithë trupin.
Mësohet se nga të dhënat paraprake, dyshohet se shkak i ngjarjes është bërë bombola që përdorte për gatim byrektoreje. Ndërkohë, pasi i shuan flakët, personi i plagosur, identiteti i të cilit nuk dihet ende, u transportua me ambulancë në spital, ndërsa në vendin e ngjarjes mbërriti edhe një zjarrfikëse.
BW
