Një 40-vjeçar nga Elbasani raportohet se është arrestuar në Maqedoni, pasi u përfshi në një përplasje të armatosur në Tetovë dy ditë më parë. Sipas “GSH-së”, ai është Lulzim Bitri.
Nga shkëmbimi i zjarrit një person mbeti i vrarë dhe dy të tjerë u plagosën si pasojë e një përleshjeje me armë zjarri në Tetovë të Maqedonisë.
Ngjarja ndodhi mbrëmjen e të enjtes në Reçicë të Vogël, shumë pranë selisë së Bashkimit Demokratik për Integrim.
Përleshja e armatosur ka ndodhur mes dy grupeve kriminale e si pasojë e të shtënave ka mbetur i vdekur në vend Naip Rexhepi.
Mbi 40-vjeçarin nga Elbasani rëndon akuza e vrasjes, e kryer në bashkëpunim.
Po ashtu ndaj Lulzim Bitrit, që është lënë në paraburgim për 30 ditë sa të zhvillohen hetimet, rëndon edhe akuza për mbajtjen e armëve të zjarrin dhe mjeteve shpërthyese.
