Një vajzë e re, adoleshente ka konsumuar ilaç enësh me qëllim që t’i jepte fund jetës të premten në Paskuqan.
Burimet e policisë bëjnë me dije se vajza është parë në kohë nga familjarët dhe është dërguar në spital, ku mjekët po kujdesen për të.
Ende nuk dihen motivet që e kanë shtyrë të renë që të ndërmarrë këtë akt ekstrem, por familjarë të saj janë marrë në pyetje për të zbardhur më shumë detaje rreth problemeve që mund të ketë pasur së fundmi vajza.
Njoftimi nga Komisariati i Policisë Nr. 5:
Më datë 06.04.2018, në Paskuqan 2, në banesë, është vetëhelmuar me ilaç enësh, shtetasja e mitur M.TH, vjeç 17 e cila ndodhet në spital nën kujdesin e mjekëve. Materialet u referuan në Prokurorinë pranë Gjykatës së Shkallës Parë Tiranë, për vlerësim.
