Stadiumi “Milton Korrea”, ndodhet në Makapa, Brazil, dhe shërben për ndeshje futbolli për disa ekipe braziliane, dhe ka një kapacitet prej 10.000 personash. Është ndërtuar në vitin 1990, dhe impianti i cili njihet ndryshe me emrin “Zerao” (e cila shënon gjerësinë gjeografike 0 gradë), në fakt është bërë i njohur për botën për pozicionin gjeografik, dhe jo për atë që ndodh në fushën e blertë.
Vija e ekuatorit, që ndan planetin Tokë në dy hemisfera, veriore dhe atë jugore, në fakt shtrihet edhe përgjatë këtij impianti, dhe vija e mesit të fushës, shënon ekuatorin. Nëse një ekip i cili po luan në stadiumin “Zerao”, sulmon në hemisferën veriore, pas disa momentesh kur kthehet për tu mbrojtur, kalon dhe luan në hemisferën jugore, ose anasjelltas. Një fakt interesant ky, dhe shumë i rrallë që vjen nga Brazili.
