Prej disa javësh ka qarkulluar lajmi i bujshëm, pas një akuze të fortë që pornostarja Story Daniels, duke u shprehur se kishte bërë seks me Donald Trump, dhe se në vitin 2016 asaj i ishin ofruar 130 mijë dollarë për të heshtur, duke e kërcënuar se do t’i lëndonin të bijën e mitur.
Por duket se pas gjithë kësaj zhurme që shkaktoi kjo deklaratë, Donald Trump ka reaguar duke u shprehur se nuk kishte dijeni që Story-it i janë dhënë ato para, ndërsa thekson se historia e marrëdhënies me të është një sajesë.
Trump shtoi se nuk e dinte që avokati i tij, Michael Cohen, kishte bërë pagesën ose nga kishin ardhur paratë.
“Pyesni Michael Cohen, avokatin tim. Këtë pyetje duhet t’ia drejtoni Michael-it”, u shpreh ai para gazetarëve.
Ndwrkohw avokati Stormy-it, Michael Avenatti, reagoi ndaj komenteve të Trump duke postuar të enjten një koment në Twitter ku shkruante: “Mirëpresim mundësinë që të vëmë në provë vërtetësinë e deklaratave të zotit Trump për mosdije lidhur me pagesën prej 130 mijë dollarësh, siç tha ai gjatë udhëtimit me avionin presidencial”.
Avokati i aktores tha për agjencinë e lajmeve Associated Press se nuk i beson këtij mohimi të shtirur, por do ta vendosin në provë.
