Një ngjarje e rëndë ka ndodhur gjatë natës në një fshat të Kukësit. Rreth orës 23:00 të së mërkurës burri ka vrarë me sëpatë gruan e tij brenda në banesë.
Mësohet se ngjarja ka ndodhur në fshatin Borie dhe ka për autor shtetasin Adem Tale, 76-vjec. Pas ka goditur më sëpatë gruan, burri është larguar, ndërkohë që policia e njoftuar për krimin është vënë në ndjekje të tij.
Policia ka nisur hetimet për zbardhjen e plotë të shkaqeve që cuan në këtë krim të rëndë në familje.
Informacioni nga policia
Më datën 04.04.2018, në orën 23:16, në fshatin Borje, shtetasi A.T., 75 vjeç, dyshohet se në banesë ka vrarë me mjete të forta, bashkëshorten e tij, shtetasen Z.T, 68 vjeçe.
Autori i dyshuar shtetasi A.T., pasi ka kryer krimin është larguar.
Nga hetimet paraprake dyshohet se ngjarja ka ndodhur për motive të dobëta.
Policia po bën krehjen e zonës me qëllim kapjen e autorit.
Në vendin e ngjarjes ndodhet grupi hetimor ku po punojnë për zbardhjen e plotë të rrethanave të ngjarjes.
