Plot 130 gramë lëndë narkotike, e llojit kokainë, i është gjetur një 22-vjeçari në makinë. Gjatë kontrollit të policisë në automjetin tip “Land Rover”, në kuadër të operacionit “Parkimi”, të riut i është gjetur e fshehur lënda narkotike.
Sakaq, policia ka vënë në pranga poseduesin 22-vjeçar Jurgen Sokoli, banues në Laç.
Materialet në ngarkim të tij u referuan në Prokurorinë e Rrethit Gjyqësor për veprime të mëtejshme penale.
