E ndodhur në Gjykatën e Tiranës, deputetja e LSI Floida Kërpaçi, një një prononcim ekskluziv për AlpeNews.al e ka cilësuar si shkelje të drejtave të njeriut arrestimin e protestuesve të Kukësit. Sipas saj, ky është një burg politik që po u bëhet.
“Të ndaluarit nuk janë të arrestuar sipas ligjit, janë të arrestuar politik dhe po u bëhet gjyq politik, sepse i kanë dalë kundër kryeministrit. Janë shkelur e po dhunohen të drejtat themelore të njeriut.
Qeveria takson qytetarët për tu pasuruar në kurriz të popullit miqtë e tyre. Taksat nuk shkojnë për të përmirësuar jetën e qytetarëve po në xhepat e oligarkëve”, thekson për AlpeNews.al deputetja Kërpaçi.
Do t’i shkojmë deri në fund që të lirohen këta të burgosur politik që sot po përballen padrejtësisht me paligjshmërinë dhe antikushtetushmërinë e qeverisë, si dhe reagimi popullor e opozitar nuk do të pushojë deri sa qeveria të heqi lakun nga fyti i popullit, derisa të heqi taksat e padrejta që po vrasin njerëzit.
Janë viktima të një pushteti autoritar që po shkon drejt diktaturës”, është shprehur deputetja e LSI Floida Kërpaçi.
Përgatiti: AlpeNews.al
