Teksa një ditë më parë nisën kërkimet nga policia, sot raportohet se është gjetur motori i ujit që 32-vjeçari Santo Ymeraj humbi që prej natës të së premtes që kemi lënë pas.
Motori i detit është gjetur mbrëmjen e djeshme nga familjarët e 32-vjeçarit në Budva të Malit të Zi.
Motori ka qenë në largësi prej 10 miljesh nga bregu i Budvës dhe sipas familjarëve, ai ishte gjysmë i mbytur dhe vetëm pjesa e parë ishte mbi ujë, raporton TCH.
Motori është vërtetuar nga vetë familjarët nga ngjyra e bardhe dhe disa shenja të tjera.
Ndërkohë që dhe ditën e sotme kanë vijuar kërkimet për gjetjen e trupit të 32-vjeçarit nga familjarët me mjete detare tip gomone si dhe një helikopter që e kanë marrë me qira vetë familjarët. Por deri tani asnjë shenje të trupit të Sato Ymeraj.
ZHDUKJA
Ymeraj, sipas familjarëve ka dalë në det ditën e enjte në mbrëmje rreth orës 22-30 me një motor uji dhe komunikimin me familjarët e tij e ka bërë në orën 01:30 minuta të së premtes.
Ymeraj, është shprehur në tel me familjarët e tij, se: Nuk po shikoj asgjë, deti ka shumë dallgë dhe errësirë e madhe, rrezikoj të mbytem.
Pasi familjarët kanë njoftuar policinë për situatën e djalit të tyre, kanë tentuar sërish të telefonojë 32-vjeçarin, por telefoni i tij dilte i fikur.
