Kryeministri Edi Rama ka paralajmëruar të gjithë punonjësit e gjendjes civile në mbarë vendin, që të mos prodhojnë më certifikata. Nga qyteti i Vlorës, ku po zhvillon takim me drejtuesit vendorë të qarkut, i pari i qeverisë njoftoi se do të ketë gjoba për të gjithë ata punonjës që do kapen duke prodhuar certifikata për qytetarët.
Më tej, ai tha me tone të ashpra se këtyre punonjësve do iu merret rroga dhe do lihen pa rrogë fare.
“Do gjobisim punonjësit e gjendjes civile që prodhojnë certifikata. Do ua marrim nga rroga e tyre dhe të rrinë pa rroga fare”, tha Rama.
