Një ngjarje e rëndë ka ndodhur në orët e vona në qytetin e Shkodrës, ku një 23-vjeçar është vrarë me thikë nga një bashkëmoshatar i tij. Ngjarja ka ndodhur në Hot të ri. BalkanWeb mëson se viktima është Kolë Fermosi, 23 vjeç, ndërsa autori i vrasjes është Kristian Shkambi 24 vjeç.
Nga të dhënat paraprake raportohet se mes të rinjve ka pasur një konflikt të çastit brenda në një lokal, nga ku më pas dy të injtë kanë dalë jashtë ambienteve të lokalit dhe janë konfliktuar fizikisht me njëri-tjetrin, nga ku 24 vjeçari Kristian Shkambi ka goditur me thikë në zemër 23-vjeçarin Kolë Fermosi, duke e lënë të vdekur në vend. Policia ka mbërritur në vendin e ngjarjes dhe ka bërë të mundur edhe arrestimin e autorit.
