Ministri i Jashtëm i Rusisë, Sergei Lavrov thirri sot në një takim ambasadorin e Shqipërisë, Arben Gazioni.
Ky takim vjen vetëm disa ditë pasi Shqipëria largoi dy diplomatë të ambasadës ruse në Tiranë.
Në shenjë kundërpërgjigjeje, Lavrov do të largojë po dy diplomatëve shqiptarë nga Moska.
Ish-ministrit të Jashtëm, Paskal Milo u shpreh se largimi i mundshëm i dy diplomatëve do të thotë që Ambasada jonë të humbasë më shumë se 70% të stafit të saj, për shkak të numrit të vogël të personelit.
Ministria e Jashtme ruse ka thirrur sot edhe krerët e diplomacisë nga 22 shtete të tjera për t’i komunikuar dëbimin e diplomatëve, numri i të cilëve përkon me numrin e diplomatëve rusë të dënuar prej këtyre shteteve.
Presidenti i Këshillit të BE-së, Donald Tusk, bëri të ditur se 14 shtete të BE-së kishin vendosur të dëbonin diplomatët rusë, respektivisht si në vijim: Franca (4); Gjermania (4); Polonia (4); Republika Çeke (3); Lituania (3); Danimarka (2); Holanda (2); Italia (2); Estonia (1); Kroacia (1); Finlanda (1); Letonia (1); Rumania (1). Nga jashtë BE-së, Ukraina (13) dhe Kanadaja (4).
Dëbimi i diplomatëve vjen si përgjigje që Rusia po u jep të gjithë vendeve të cilët mbështetën Britaninë e Madhe pas helmimit të ish-spiunit rus Sergei Skripal dhe vajzës së tij.
