Komisioni i Pavarur i Kualifikimit do të zhvillojë në 4 prill ora 11.00 seancën e parë dëgjimore me Vitore Tushën, anëtare e Gjykatës Kushtetuese.
Burimet nga ky institucion bëjnë të ditur se në trupën gjykuese të procesit të vettingut ndaj gjyqtares do të jenë Valbona Sanxhaktari, Alma Thackaj dhe Xhensila Pine.
Në vendimin e parë të marrë nga KPK-ja u shkarkua nga detyra Fatos Lulo, i cili nuk justifikoi dot pasurinë e deklaruar në ILDKP.
Ndërkohë së fundmi KPK-ja ka marrë vendim edhe për të pushuar procesin e Vettingut ndaj disa zyrtarëve të cilët kanë vendosur të heqin dorë nga sistemi i Drejtësisë.
