I ftuar në studion e emisionit ‘Studio e Hapur’ ne News24 për të diskutuar rreth taksave që rëndojnë xhepat e qytetarëve shqiptarë, është edhe analisti Fatos Lubonja. Gjatë fjalës së tij në emision, ai tha se mazhoranca po përdor një strategji të tillë ‘sikur gjoja po krijojmë shtet’.
Sipas Lubonjës taksat e qytetarëve keqpërdoren dhe nuk rikthehen mbrapsht me shërbime. Lubonja theksoi se taksat në Shqipëri edhe kur merren, merren për ti shërbyer korrupsionit dhe një grupi të caktuar njerëzish.
“Problemi kryesor që kemi ne lidhur me taksat është çështja e rishpërndarjes, e rikthimit të taksës në shërbim. Sesa ti ja kthen atë taksë që merr, njerëzve, qytetarëve. Pastaj çështja e dytë është kjo rritja galopante që është tepër problematike për mendimin tim. Tirana është e mbushur me rezervuare, me njerëz që rregullojnë privatisht, sikur vetëm një % e vogël e atyre parave që kanë harxhuar shqiptarët për të blerë rezervuare, për të blerë këto pompat e gjitha ato pajisje të tjera ti kishin investuar do të kishim ujë 24h. Problemi është te menaxhimi dhe menaxhusit. Problemi vjen nga shpërdorimi i parave. Pse merren taksat? Problemi më i madh që është, është se taksat këtu kur merren, merren për ti shërbyer korrupsionit, për ti shërbyer një grupi njerëzish.
Sa i përket rritjes ekonomike, duhet të themi që rritja ekonomike nuk është indeks lumturie dhe këtë e di gjithë bota. Rritja ekonomike nuk mat shpërndarjen. Problemi i madh këtu nuk është nëse duhen 10% apo më shumë, këtu duke qenë vend i vogël 10 % paguhet pa problem, problemi kryesor është përdorimi i taksave si grabitje e qytetarëve. Këtu jemi ne, në përgjithësi taksat dhe mazhoranca që ka ardhur, ka ndërtuar një strategji gjoja sikur po ndërton shtet”- tha Lubonja.
