Një shpërthim me eksploziv ka tronditur qytetin verior. Tritoli i është vendosur një makine tip ‘Benz’ me targa AA655MK, në pjesën e prapme, e cila ishte parkuar në lagjen ‘Perash’. Makina është në pronësi të Admir Lishi. 40 vjeç banues në lagjen ‘Perash’. Shpërthimi ka ndodhur në orët e para të mëngjesit, ndërsa raportohet se ka pasur vetëm dëme materiale.
Mësohet se makina është e shefit të financës në policinë kufitare.
Pas njoftimit, policia ka mbërritur në vendin e ngjarjes duke nisur hetimet. Pronari i makinës është marrë në pyetje për konfliktet që mund të ketë pasur kohët e fundit, ndërsa për të shkuar në gjurmët e autorëve janë marrë edhe pamjet e kamerave të sigurisë nga bizneset pranë vendit të ngjarjes.
