Kryeministri shqiptar Edi Rama ka përshëndetur ratifikimin e Demarkacionit me Malin e Zi në Kuvendin e Kosovës pas një seance maratonë.
Në një postim në rrjetet sociale, Rama thotë se tashmë është radha e Bashkimit Europian që të heqë pa voneza vizat për qytetarët e Kosovës.
“Super Vota për demarkacionin një votë e vonuar, por kuptimplotë për Kosovën si shtet që dëshmon seriozitet në angazhimet e veta. Tani Bashkimi Europian t’i përmbahet pa vonesë angazhimit të vet: Liri lëvizjeje pa viza në Europë për qytetarët e Kosovës”, thotë Kryeministri Edi Rama.
Demarkacioni u votua nga Kuvendi i Kosovës me 80 vota pro dhe 11 kundër. Seanca e sotme parlamentare u ndërpre 4 herë, pasi deputetë të Lëvizjes Vetëvendosje hodhën tymuese në Parlament për të mos lejuar votimin.p
