Me rastin e Ditës Ndërkombëtare të Poezisë ambasada e Shteteve të Bashkuara të Amerikës në Tiranë e ka festuar duke recituar vargje prej disa prej poetëve më të njohur të Shqipërisë.
Në video shfaqen disa punonjës të ambasadës, por edhe vetë ambasadori Donald Lu, duke recituar disa prej vargjeve të të dashura për shqiptarët.
Gjithashtu, edhe shqiptaro-amerikani Gjon Juncaj, i cili ka ardhur në vendin tonë për të asistuar reformën në drejtësi, nuk kishte si të mungonte në këtë nismë.
Në fund ambasada amerikane lëshon edhe një sfidë: “A mund ti gjeni titujt e poezive dhe emrat e poetëve?”.
Sot është Dita Ndërkombëtare e Poezisë. Ne po e festojmë duke recituar vargje prej disa nga poetëve më të njohur të Shqipërisë. A mund ti gjeni titujt e poezive dhe emrat e poetëve?Today is #InternationalPoetryDay. We are celebrating by reciting lines from some of Albania’s most famous poems. Can you name the poems and the poets?
Posted by U.S. Embassy-Tirana on Mittwoch, 21. März 2018
Për ata që nuk ia dolën dot që me dëgjimin e parë, bëhet fjalë për:
Andon Zako Çajupi – Mëmëdheu
Ndre Mjeda – Gjuha Shqipe
Asdreni – Sa të dua o Shqipëri
Dhe Naim Frashëri- Gjuha jonë
