Protestuesëve përpara kryeministrisë u ka dalë përfaqësuesja e këtij institucioni. Kordinatorja për bashkëqeverisjen me qytetarët Elisa Stamo ka marrë dy përfaqësues nga protesta për të folur në kryeministri.
Sakaq këta dy përfaqësues do parashtrojnë në kryeministri të gjitha problematikat që kanë. “Ejani në interpelancë”, ka thënë Stamo.
Minatorët paralajmërojnë se do ta përshkallëzojnë protestën nëse nuk do të ketë reagim nga qeveria. Protestuesit kërkojnë që qeveria të miratojë statusin për minatorët, ndërsa akuzojnë se nuk ka vullnet për zgjidhje.
“Kryeministri është frikacak, do të futemi në Kryeministri nëse nuk ka reagim. Duam që të miratohet statusi, na e premtoi vetë kryeministri Rama dhe akoma nuk e ka mbajtur. Protesta do të vijojë deri në zgjidhjen e problemit. Protesta nuk ka prapavijë politike, duam djersën tonë.
Është miratuar statusi i ushtarakut dhe i naftëtarit, ndërsa për ne jo, duam përgjigje. Dilni përjashtua se po vdesim këtu, jemi me tension. Ne ju kemi mbajtur gjallë, ne minatorët.
Ju hëngrët kanceri të gjithëve, që po largoni njerëzit nga vendi” shprehen ndër të tjera minatorët. Në protestë janë rreth 300 minatorët, ndërsa ende nuk dihet se deri kur do të vijojnë tubimin para Kryeministrisë.
