Sidoqoftë, kthejmë sytë nga lajmi i mirë, ose neutral të paktën. Monitor studioi të dhënat e 2016-s dhe përpiloi një listë me 100 punëdhënësit më të mëdhenjnë vend. Për lehtësi, këtu po flasim vetëm për dhjetë të parët në listë.
1. OSHEE, kompania e shpërndarjes së energjisë elektrike mbetet e para me 6400 punojës.
2. ITSGA, një operator në fushën e lojërave të fatit kishte 2600 të punësuar në 2016-n, por tani ëshët nën sekuestro pasi s’ka shlyer detyrimet tatimore. Gjithashtu, i është hequr licensa e ushtrimit të aktivitetit.
3. Intercom Data Service (IDS), call center më i madh në vend me 2600 punonjës.
4. Posta Shqiptare, një tjetër kompani shtetërore punëson thuajse 2600 persona.
5. Albpetrol, kompania shtetërore e prodhimit të naftës punësonte 2300 njerëz. Këtë vit, Albpetrol do të shpërbëhet për t’u ristrukturuar.
6. Albania Marketing Service, një tjetër call center, punësonte 2000 njerëz në 2016-n.
7. Albaco Shoes, prodhues këpucësh, kishte afërsisht 2000 të punësuar.
8. Albacall, call centeri i tretë në këtë listë, punësonte 1700 njerëz.
9. Lotto Sport, subjekt në fushën e lojërave të fatit, dyfishoi punonjësit në 2016-n, duke kapur 1400 të punësuar.
10. Raiffeisen Bank, ndër bankat më të mëdha në vend, deklaroi 1250 të punësuar.
Pra, në listë janë tre ndërmarrje qeveritare, tre call center, dy lojëra fati, një fason dhe një bankë. Dy nga subjektet, ITSGA dhe Albpetrol do të shpërbëhen, ndërsa call center-at po hasin gjithnjë e më shumë probleme prej ndryshimit të legjislacionit në Itali. E ardhmja nuk duket e ndritshme.
