Një doktor ka zbuluar se ka kancer me ndihmën e celularit të tij iPhone.
Dr. John Martin është kirurg vaskular në Denver, Kolorado dhe gjithashtu ka një pozitë të lartë në ‘Butterfly Network’.
‘Butteryfly Network’ është kompani e cila është duke zhvilluar një pajisje ultrazëri që mund të lidhet me iPhone.
Pajisja quhet Butterfly iQ dhe ende para se produkti të jetë testuar krejtësisht, Dr. Martin e dinte se ajo pajisje do të funksionojë.
Pasi kishte ndjerë një masë në fyt, ai e kishte përdorur pajisjen për ta skanuar atë zonë dhe rezultatet kishin treguar se ai ka kancer metastatik.
Normalisht si ekspert i kësaj fushe për 40 vite e kishte ditur se diagnoza nuk mund të jetë krejtësisht e saktë, prandaj kishte shkuar të merr konfirmim edhe nga ekspertët kompetentë.
Edhe doktori tjetër ia kishte konfirmuar se ka kancer, ndërsa kanceri i kishte filluar në gjuhë dhe pastaj ishte shpërndarë në fyt.
Pas një trajtimi të suksesshëm, tani doktori raportohet të jetë shëruar.
Pajisja ‘Butterfly iQ’ do të fillojë të testohet prej vitit të ardhshëm në klinika të ndryshme, ndërsa themeluesi i kësaj kompanie, Jonathan Rothberg, beson se teknologjia gjithashtu do të mund të shfrytëzohet për t’i ndihmuar njerëzit që vuajnë nga problemet me mushkëri dhe diabet.
