Kryetari i Partisë Demokratike Lulzim Basha ka reaguar për herë të parë lidhur me arrestimit e kryetarit të Bashkisë së Lezhës Fran Frrokaj i cili vjen nga rradhët e PD.
“Sot u them të gjithë shqiptarëve se ne urojmë që Fran Frrokaj të jetë i pafajshëm.
Qëndrim im dhe i PD-së mbetet i pandryshuar, të gjithë të jenë të barabartë para ligjit nga qytetarët e thjeshtë deri te politikanët e lartë.
Por ne duam transparencë, hetim jo politik dhe të paanshëm, shqiptarët duan drejtësi profesionale dhe jo të kapur nga axhenda politike për drejtësi selektive të drejtuar ndaj një krahu politik drejt një tjetri”- u shpreh Basha pas mbledhjes së grupit të PD.
