Një shtetas shqiptar është arrestuar në Itali pasi u kap në makinë me 1 kg e 165 gramë kg kokainë të pastër.
Shqiptari, identiteti i së cilit nuk bëhet i ditur, e kishte fshehur kokainën në brendësi të radios së automjetit të vendosur në dy pako, raporton Ora News.
Gjithashtu në automjet i janë gjetur 400 euro.
Ndalimi i tij u bë pas një kontrolli rrugor në komunën Lomazzo në provincën e Komos.
Shqiptari i arrestuar nuk rezulton rezident në Itali.
Policia italiane ka nisur një proces hetimor për zbardhjen e bashkëpunëtorëve të tij në territorin italian si dhe destinacionin e lëndës narkotike.
