Fill pas arrestimit të kryebashkiakut të Lezhës, Fran Frrokaj dhe ende pa dalë asnjë detaj nga motivet e ndalimit, Rilindja Demokratike ka gjetur shkakun.
Organi zyrtar ka mundur të zbulojë me shpejtësi se ky është arrestim politik që i bëhet kundërshtarëve të Edi Ramës.
“Rama ka nisur arrestimin e kundërshtarëve politikë me akuza të rreme. Kryebashkiaku i Lezhës Fran Frrokaj është shoqëruar në polici.
Kreu i bashkisë akuzohet për ‘Tjetërsim pronash’. Sipas Prokurorisë politike kemi të bëjmë me “Shpërdorim detyre”.
Duket se kemi të bëjmë me një fushatë të re politike të arrestimeve me synim ngjalljen e frikës dhe përhapjen e panikut tek qytetarët në një kohë që qeveria është shndërruar në një organizatë kriminale për lidhjet me trafiqet, krimin dhe korrupsionin.” shkruan RD.
