Ngritja e përmendores së Azem Hajdarit në Tropojë, ka shkaktuar edhe njëherë tjetër debate mbi figurën e këtij të fundit.
Gazetari Robert Papa, ish-drejtues i emisionit Fokus, tregon për një deklaratë të regjistruar të Hajdarit për Berishën.
“Azem Hajdarit në vitin 1995 iu tha se Berisha levizte kundër linjës amerikane, në një takim ne New Jersey.
Ai do deklaronte: Nëse Berisha tradhëton çështjen tonë dhe Amerikën, unë ia derdh plumbin në gojë”.
Dikush e regjistroi dhe ajo kasetë përfundoi te Berisha, përmes një punonjëse të Ambasadës në Uashington, e cila kishte dalë në orën 1 të natës më 1995, nga dhoma e hotelit kur rrinte Berisha, pasi i kishte “spiunuar” të gjithë më shumë dashuri.
E shoqja e Berishës u mërzitur aq shumë nga ajo vizitë në orë të pazakontë natën vonë, sa nga inati nuk u pa, thuajse fare, me liderin në ato ditë vizite në SHBA.
Thuhej se qenë zënë keq. Më pas në cdo rrugetim të liderit jashtë, pyeste: Po Vjollca Vokshi ne ç’hotel do flere?!” –thotë Papa në një rrëfim botuar në shtator 2013 në Dita mbi disa detaje nga “historia amerikane” e Berishës.
I pyetur pse Hajdarit, që sot PD i ngre përmendore, u mbajt nga Berisha përjetësisht larg pushtetit, Papa thotë:
“… Azemi nuk kishte qene komunist, nuk kishte hyrë kurrë në Bllok; nuk kishte udhëtuar jashtë shtetit dhe nuk kishte lidhje krushqie as me struktura të shërbimit sekret në Jugosllavi dhe nuk kishte kontaktuar dot as me zbulime të huaja.
Ishte i ri, por Xhezi Helms, ikona e senatit, për Hajdarin fliste me respekt.
Kjo do xhelozonte Berishën dhe Azemi u mbajt larg. I hoqën dhe imunitetin. Këto i takojnë të djeshmes.
Përsa i takon të sotmes politike, Shqipëria ka nevojë për një forcë të re të djathtë, sa moderne aq edhe jo bufatorike…”
