Nuk është diskriminim kur femrave u drejtohesh me shkrim në formën standarde mashkullore. Gjykata e Lartë Federale e Gjermanisë konfirmoi të martën që forma e gjinisë mashkullore mund të përdoret edhe më tej si formë përfaqësuese për t’ju drejtuar femrave, pa i diskriminuar ato.
Një gjermane 80 vjeçare e pati hedhur në gjyq bankën e saj, pasi ajo i qe drejtuar me shkrim në formën standard”i dashur klient”. Gjykata më e lartë e Gjermanisë tha se forma standarde mashkullore nuk është diskriminuese. Dy gjykatësit meshkuj dhe dy gjykatëset femra thanë se ligji i Gjermanisë për barazinë gjinore nuk i jep të drejtë një gruaje që t’i drejtohen në formën femërore.
Paditësja Marlies Krämer megjithatë tha se do ta çojë rastin në Gjykatën Kushtetuese të Gjermanisë dhe nëse është e nevojshme edhe në Gjykatën Evropiane të Drejtësisë.
Pavarësisht nga kjo, në Gjermani është bërë prej vitesh e zakonshme që të përdoren të dyja gjinitë kur i drejtohesh me shkrim dikujt
