Kreu i prodhuesit gjerman të automjeteve, “Volkswagen”, Mathias Muller, njoftoi sot një investim prej 20 miliardë eurosh në motorët elektrikë, duke theksuar se është i bindur në një rilindje të motorëve dizel, sepse ai e gjykon si të mundur që të bashkëjetojnë këto teknologji të së kaluarës dhe të ardhmes.
“Jo vetëm që shpresoj që dizeli nuk ka vdekur, por jam i bindur se është duke u përballur me një rilindje”, vlerësoi ai në Berlin, përcjell Atsh.
Ky grup i përbërë nga 12 marka (Audi, Porche, Skoda, etc) synon që për vitin 2030 të ketë një version elektrik për çdo model që prodhon.
