Ngjarja ndodhi mëngjesin e së martës dhe autobusi, i cili po udhëtonte nga Stambolli në qytetin verior Tokat, Turqi u përplas me kamionin në një autostradë në krahinën Corum, shkruan Anadolu.
13 të vdekur është bilanci i një aksidenti që ka ndodhur në Turqi, ku një autobus pasagjerësh u përplas me një kamion.
Mes viktimave raportohen edhe fëmijë, ndërsa 20 të tjerë u plagosën.Ekipet mjekësore shkuan menjëherë në vendin e ngjarjes. Një pjesë e autobusit u përfshi nga flakët dhe kanë qenë zjarrfikëset ato që shuan zjarrin. Një nga dëshmitarët ka rrëfyer se pjesa më e madhe e pasagjerëve ishin në gjumin në momentin që ndodhi aksidenti.
