25-vjeçari Orest Sota i cili udhëtonte me 863 mije euro dhe patentat e Saimir Tahirit, nuk ishte i vetëm në makinë në momentin që u kap nga policia e Elbasanit. Gazetarja e kronikës, Klodjana Lala ka zbuluar në emisionin ‘Studio e Hapur’ emrin e personit të dytë që shoqëronte Sotën.
Sipas saj ai është Ronald Almeta, i cili ishte personi që drejtonte makinën. Lala tha se ky person ishte marrë si shofer nga i riu Orest Sota, për shkak se këtij të fundit i është hequr patenta për shkelje të normave të qarkullimit rrugor.
Lala u shpreh se Orest Sota nuk ka dashur ta penalizojë Ronald Almetën, prandaj ka dëshmuar se ishte ai në drejtim të automjetit. Ndërkohë Almeta nuk figuron si person problematik për policinë.
