Dy shqiptarë kanë rënë sot në prangat e policisë italiane, pasi akuzohen si shpërndarës droge. Mediat italiane raportojnë se shqiptarët, 26 vjeç dhe 28 vjeç, u kapën në qendër të Ternit me 120 gram kokainë si dhe mbi 1500 euro cash.
‘Ansa’ shkruan se shqiptarët ishin pikasur nga policia teksa dilnin nga një dyqan me lojëra elektronike, ndërsa dukshëm u shfaqën shumë nervoz. Pas kontrollit të ushtruar nga policia, në xhepat e 26-vjeçarit u gjetën 10 gr kokainë, ndërkohë në banesën e shqiptarit tjetër u gjet pjesa tjetër e drogës.
Mes të tjerash në shtëpinë e këtij të fundit, u gjetën edhe dy matësa të lëndën narkotike si dhe gjithçka që nevojitej për paketim. Sakaq, dy shqiptarët, identiteti i të cilëve nuk bëhet i ditur, tashmë ndodhen në paraburgim, në pritje të masës së sigurisë.
