Ish-kryeministri Sali Berisha dhe një ndër kritikët e tij të herë pas hershëm Andi Bushati janë takuar pas shumë ‘sulmeve’ të drejtuar ndaj njëri-tjetrit në distancë nëpërmjet shkrimeve apo deklaratave.
Berisha dhe Bushati siç shihet në këtë foto kanë trokitur gotat në një event të ndodhur në Tiranë ditën e sotme.
Duket se ky afrim ka ardhur pasi Bushati e mbrojti Berishën në një shkrim të publikuar së fundmi, pas thirrjes së gazetarit Mustafa Nano që portalet të bojkotojnë ish-kryeministrin.
Kujtojmë që Bushati ka qenë i ashpër ndaj kritikave të tij me Berishën. Ai e ka quajtur atë “peng të rilindjes”.
Më pas në një shkrim të publikuar në lapsi.al Berisha u kritikua për qëndrimin e tij dhe sulmet ndaj gazetarit Fevziu.
“Sali Berisha ka thyer një tjetër rekord. Jo nga ato për ngjitje majash apo notim në thellësi, por nga ato më të hershmet, me zbulim armiqsh. Këtë ka bërë edhe tani së fundi duke shpallur si armikun më të ri drejtuesin e emisionit “Opinion”, Blendi Fevziu. Por, tanimë Berisha nuk përbën më lajm me sulmet ndaj njerëzve që nuk i ka nën kontroll, pyetja që shtrohet për të është: Pse ai vendosi ta sulmojë tani Fevziun? Pse ai vendosi të shpallë në mënyrë violente dhe publikisht një marëdhënie të prishur që nëpranverën e vitit 2013, përpara zgjedhjeve parlamentare?”, shkruhej në komentin e publikuar pak muaj më parë.
E menjëhershme ishte edhe përgjigja e ish-kryeministrit Berisha i cili e quajti Bushatin një “një maskë të pafytyrë dhe gënjeshtar të lindur”.
“Maska e Lapsit”apo “i miri i gjyshes” kishte dale sot ne rruge, apo le te themi ne treg. Por ai kishte dale i paftyre dhe, duhet thene te verteten, rreth tij, pavaresisht se eshte i paftyre moralisht, i vulosur si genjeshtari i lindur dhe me i pacipi ne mediat, ai fizikisht ka fytyre. Madje e lyros me kujdes te veçante. Mirepo sipas kodit odiner te hajdutit, apo pengmarresit, edhe fytyren fizike ai sot nuk kishte guxuar ta tregoje, por edhe ate kishte mbuluar me maske”, shkruante në reagim Berisha.
