Situata e përmbytjeve në qarkun e Shkodrës është drejt përmirësimit, ndërsa raportohet se niveli i ujit ka rënë me 30 cm.
Sipas njoftimit të Ministrisë së Mbrojtjes, niveli i ujit ka zbritur me 30 cm. “Situata në qarkun e Shkodrës është drejt përmirësimit. Ka rënie të nivelit të ujit me 30 cm krahasuar me një ditë më parë. Edhe në fshatin Obot ka rënë niveli i ujit, ku po përgatiten automjetet për shpërndarjen e 6.5 ton koncentrat dhe bar të thatë.
Efektivët e FA-së do të nisin shpërndarjen sapo pushteti vendor të përcaktojë zonat ku duhen çuar materialet”, thuhet në njoftimin për shtyp të Ministrisë së Mbrojtjes.
