Udhëheqësi i Partisë Progresive Serbe, Aleksandar Vuçiç, ka thënë se subjekti i tij politik ka fituar më shumë se 45 për qind të votave në zgjedhjet lokale të mbajtura dje në Beograd.
“Është shfaqur fytyra e vërtetë demokratike e vendit tonë, qytetarët kanë ardhur në zgjedhje në mënyrë paqësore dhe demokratike, pavarësisht nga presionet e shumta”, ka thënë Vuçiç.
Edhe pse rezultatet përfundimtare do të bëhen të ditura ditën e sotme, ai ka theksuar se lista e SNS ka fituar më shumë se 45 për qind të votave në Beograd dhe se kjo është arritja e tyre më e mirë në kryeqytet deri më tani pasi kanë një shumicë absolute.
Vuçiç ka shtuar se fushata për zgjedhjet lokale në Serbi ishte ‘tmerrësisht e ndotur’ dhe se për këtë do të flas gjatë ditëve në vijim.
