Aktorja Sarah Parish është dërguar me urgjencë në spital pas një aksidenti horror, që e la me dëmtime të rënda në këmbë. Ylli britanik, tani po përballet me një operacion serioz pasi u rrëzua kur po përpiqej të bënte ski.
Sipas asaj që shkruan The Sun, 49-vjeçarja pësoi aksidentin e tmerrshëm gjatë një dite në të cilën ajo kishte dalë të shijonte borën me të bijën 8-vjeçare.
Ajo u dërgua në spital, ku po i nënshtrohet një operacioni për të rregulluar kockën e thyer.
Sarah është një aktore shumë e famshme në Angli, e njohur për disa nga rolet e saj në The Pillars of the Earth, Peak Practice, Doctor Who, Merlin, Mistresses, etj./tvklan.al
